Стипендиялар

ХАБАРЛАНДЫРУ!
3, 4-КУРС СТУДЕНТТЕРІНІҢ НАЗАРЫНА!!!

Қ.Жұбанов атындағы Ақтөбе өңірлік мемлекеттік университеті Қазақстан Республикасы Президент атындағы стипендияға құжаттар қабылдайды. Қажетті құжаттарды білім алушыларды құжаттандыру бөліміне 2020 жылдың 20-інші маусымына дейін қабылданады (№239 кабинет).

Қазақстан Республикасының Президенті белгілеген стипендияларды тағайындау ережесі

5. Стипендия күндізгі оқу нысаны бойынша оқитын студенттерге 3-курстан бастап, магистранттарға – екінші оқу жылынан бастап мемлекеттік білім беру тапсырысы бойынша және ақылы негізде тек «өте жақсы» (А, А-) оқитын студенттерге беріледі.

6. Стипендия білім алушылардың мынадай санаттарына тағайындалады:

7. Стипендия ғылыми кеңестің шешімі негізінде жоғары оқу орны ректорының бұйрығымен жүзеге асырылады.

8. Стипендия бір академиялық кезеңге тағайындалады.

9. Стипендия жоғары оқу орнының ғылыми кеңесінің шешіміне сәйкес бір тұлғаға бірнеше рет берілуі мүмкін.

10. Стипендияларды тағайындау кезінде үміткерлерді іріктеу осы Ереженің 5, 6 тармақтарында жазылған өлшемдер тәртібінде жүзеге асырылады. Тең жағдайда басымдық:

ХАБАРЛАНДЫРУ!
СТУДЕНТТЕР НАЗАРЫНА!!!

Қ.Жұбанов атындағы Ақтөбе өңірлік мемлекеттік университеті жоғары білім алу бойынша босаған бос білім беру гранттарына конкурс жариялайды.

Қажетті құжаттарды білім алушыларды құжаттандыру бөліміне 2020 жылдың 20-інші маусымына дейін қабылданады (№239 кабинет).

Қажетті құжаттар

СТУДЕНТТЕР НАЗАРЫНА!
АҚТӨБЕ ОБЛЫСЫ ӘКІМІНІҢ АТАУЛЫ СТИПЕНДИЯСЫН ТАҒАЙЫНДАУ

Ақтөбе облысының жастар саясаты мәселелері басқармасының (№01-5/312; 21.05.2020 ж.) хаты бойынша құжаттарды тапсыру мерзімі 2020 жылдың 29 мамырына дейін ұзартылды, соған байланысты облыс әкімінің атаулы стипендиясына үміткерлер факультет деканаттарына 28.05.2020 ж. дейін төмендегі құжаттарды тапсырады:

Қажетті құжаттар:

Іріктеу өлшемдері:

СТУДЕНТТЕР НАЗАРЫНА!
АҚТӨБЕ ОБЛЫСЫ ӘКІМІНІҢ АТАУЛЫ СТИПЕНДИЯСЫН ТАҒАЙЫНДАУ

Ақтөбе облысының жастар саясаты мәселелері басқармасының (№01-4/294; 13.05.2020 ж.) хаты бойынша облыс әкімінің атаулы стипендиясына үміткерлер факультет деканаттарына 20.05.2020 ж. дейін төмендегі құжаттарды тапсырады:

Қажетті құжаттар:

Іріктеу өлшемдері:

Қысқаша ақпарат

Жалпы ережелер

1) Білім беру ұйымдарында білім алушыларға мемлекеттік стипендияларды тағайындау, төлеу қағидалары және олардың мөлшерлері (бұдан әрі – Қағидалар) «Білім туралы» Қазақстан Республикасының 2007 жылғы 27 шілдедегі Заңына сәйкес әзірленген және білім беру ұйымдарында білім алушыларға мемлекеттік стипендияларды тағайындау мен төлеу тәртібін, сондай-ақ олардың мөлшерлерін айқындайды.

2) Қағидалар Қазақстан Республикасының Президенті тағайындайтын стипендияларды, сондай-ақ Қазақстан Республикасының Үкіметі тағайындайтын мемлекеттік атаулы стипендияларды тағайындау және төлеу тәртібіне қолданылмайды.

3) Мемлекеттік стипендия білім беру ұйымдарында мемлекеттік білім беру тапсырысы бойынша күндізгі оқу нысанында оқитын студенттерге тағайындалады және төленеді.

Мемлекеттік стипендияларды тағайындау және төлеу тәртібі

1) Мемлекеттік стипендия емтихан сессиясының немесе білім алушыларды аралық аттестаттаудың нәтижелері бойынша «жақсы», «өте жақсы» деген бағаға сәйкес бағалардың баламасын алған мемлекеттік білім беру тапсырысы бойынша оқитын, сондай-ақ мемлекеттік білім беру тапсырысы бойынша оқуға ауыстырылған студенттерге тағайындалады және емтихан сессиясынан немесе білім алушыларды аралық аттестаттаудан кейін келетін айдың бірінші күнінен бастап семестр аяқталатын айдың соңына дейін қоса алғанда ай сайын төленеді.

2) Мемлекеттік білім беру тапсырысы негізінде бірінші курсқа қабылданған студенттерге (бірінші оқу жылы) мемлекеттік стипендия бірінші семестрде тағайындалады және бірінші семестр бойы ай сайын төленеді. Келесі семестрлерде студенттерге мемлекеттік стипендия өткен семестрдің емтихан сессиясының немесе білім алушыларды аралық аттестаттаудың қорытындысы бойынша тағайындалады және төленеді.

3) Мемлекеттік білім беру тапсырысы бойынша білім алатын көзі нашар көретін мүгедектер мен құлағы кеміс мүгедектерге, жетім балалар мен ата-аналарының қамқорлығынсыз қалған және азаматтардың қорғаншылығындағы (қамқорлығындағы) балаларға мемлекеттік стипендия емтихан сессиясының нәтижелері бойынша берешектері немесе білім алушыларды аралық аттестаттау нәтижелері бойынша қанағаттанғысыз бағасы жоқ болса төленеді.

4) Жазғы емтихан сессиясы немесе білім алушыларды аралық аттестаттау нәтижелері бойынша мемлекеттік стипендияға ұсынылған студенттерге мемлекеттік стипендия жазғы каникул кезеңі үшін екі айға (шілде, тамыз) қосылып төленеді.

5) Сынақтар мен емтихандарды білім беру ұйымдары белгілеген мерзімде дәлелді себептер бойынша (сырқаттану, отбасы жағдайы, табиғи зілзала) тапсыра алмаған студенттерге растайтын құжаттарды тапсырғаннан кейін білім беру ұйымының басшылығы сынақтар мен емтихандарды тапсыруға жеке уақыт белгілейді, содан кейін оларға мемлекеттік стипендия тағайындалады.

6) Кәсіптік практика, жазғы демалыс кезінде, сондай-ақ жалақы төленетін жұмыс орындарында және қызметтерде жұмыс істеген кезеңде студенттерге мемлекеттік стипендия белгіленген тәртіппен төленеді.

7) Бір оқу орнынан басқасына ауыстырылған студенттерге мемлекеттік стипендия оқу жоспарларындағы айырмашылық жойылғаннан кейін белгіленген тәртіппен тағайындалады және төленеді.

8) Медициналық қорытындының негізінде (дәрiгерлiк-консультациялық комиссияның шешiмi) берілген академиялық демалыстарды қоспағанда, студенттер академиялық демалыста болған кезеңде мемлекеттік стипендия төленбейді. Академиялық демалыстан келген студенттерге мемлекеттік стипендия тағайындау және төлеу алдағы (кезекті) емтихан сессиясы немесе білім алушыларды аралық аттестаттау қорытындылары бойынша және оқу жоспарындағы айырмашылықтар болмаған жағдайда белгіленген тәртіппен жүзеге асырылады.

Сырқатына байланысты екінші оқу жылына қалдырылған студенттерге мемлекеттік стипендия кезекті емтихан сессиясы немесе білім алушыларды аралық аттестаттау нәтижелеріне дейін осы Қағидаларда белгіленген тәртіппен оқу жоспары орындалған алдыңғы семестрдің қорытындысы бойынша тағайындалады және төленеді.

Туберкулезбен ауыратын студенттерге тиісті медициналық қорытындысы болған кезде мемлекеттік стипендия еңбекке жарамсыздық кезеңі үшін белгіленеді және төленеді, бірақ еңбекке жарамсыздық басталған күнінен бастап он айдан аспайды.

9) Жүктілігіне және босануына байланысты демалысы кезеңіне студенттерге мемлекеттік стипендия Қазақстан Республикасының қолданыстағы заңнамасында белгіленген барлық мерзім ішінде жүктілігіне және босануына байланысты демалысқа шығарғанға дейін белгіленген мөлшерде төленеді.

10) Академиялық демалыс кезеңінде жүктілігіне және босануына байланысты уақытша еңбекке жарамсыздығы туралы анықтама ұсынған жағдайда, академиялық демалыс үзіліп, жүктілігі және босануына байланысты демалыс ресімделеді. Студенттер бала күтіміне байланысты ол үш жасқа толғанға дейін академиялық демалыста болған кезеңде мемлекеттік стипендия тағайындалмайды.

11) Стипендиялар білім алушылар үлгерiмін бақылау жүктелген бөлiмше бастығының қызметтiк хаты (ұсынысы) негiзiнде білім беру ұйымы жетекшiсiнiң немесе уақытша оның мiндетiн атқарушының бұйрығымен тағайындалады.

12) Жеке тұлғаларға стипендияларды төлеу ақша алушының таңдаған банкте ашылған ағымдағы шотына сомаларды аудару жолымен жүзеге асырылады.

Бiлiм беру ұйымдарында білім алушыларға төленетін мемлекеттiк стипендиялардың мөлшерi

1) Мемлекеттік білім беру тапсырысы бойынша білім алушыларға ай сайынғы мемлекеттік стипендияның мөлшері жоғары білімнің білім беру бағдарламаларын іске асыратын білім беру ұйымдарында оқитын студенттерге – 20949 (жиырма мың тоғыз жүз қырық тоғыз) теңге.

2) Техникалық және кәсіптік (училищелер, колледждер), орта білімнен кейінгі білім беру бағдарламаларын іске асыратын білім беру ұйымдары студенттерінің мемлекеттік стипендиясы жоғары білім беру бағдарламаларын іске асыратын білім беру ұйымдары студенттерінің ай сайынғы мемлекеттік стипендиясы мөлшерінің 80 (сексен) пайызы деңгейінде белгіленеді.

3) Көзі нашар көретін мүгедектер мен құлағы кеміс мүгедектердің, жетім балалар мен ата-аналарының қамқорлығынсыз қалған және азаматтардың қорғаншылығындағы (қамқорлығындағы) балалардың, сондай-ақ емтихан сессиясының нәтижелері бойынша тек «өте жақсы» деген бағалары бар студенттер.

4) Қазақстан Республикасының заңнамасына сәйкес мемлекет қамтамасыз ететін студенттер мен магистранттарға мемлекеттік стипендия жоғары білім беретін білім беру ұйымдары студенттерінің және магистранттарының мемлекеттік стипендиясы мөлшерінің 50 (елу) пайызы деңгейінде белгіленеді.

5) Медициналық қорытындының негізінде академиялық демалыста жүрген студенттерге, интерндерге, магистранттарға, докторанттарға, резидентура тыңдаушыларына академиялық демалыс кезінде мемлекеттік стипендия тиісінше докторанттардың, резидентура тыңдаушыларының, студенттердің, интерндердің, магистранттардың мемлекеттік стипендиясы мөлшерінің 50 (елу).

6) Мемлекеттік стипендиялар:
- шығарылу себебіне қарамастан, білім алушы білім беру ұйымынан шығарылған жағдайда;
- білім алушы қайтыс болған жағдайда;
- оқуды бітіргеннен кейін оқуды бітіргені туралы бұйрық шыққан күнінен бастап төленбейді.

7) 6-тармағында белгіленген жағдайлар бойынша мемлекеттік стипендиялар төлеуді тоқтату білім беру ұйымдары басшыларының тиісті бұйрығын шығару арқылы жүзеге асырылады.

2017-2018 о.ж. I жартыжылдығына білім беру гранты бойынша білім алушыларға мемлекеттік стипендия тағайындау қорытындысы туралы ақпарат

Нормативтік құжаттар