Ректордың сөзі

Қымбатты достар!

Қ.Жұбанов атындағы Ақтөбе өңірлік мемлекеттік университеті – 85 жылдық тарихы бар қазақстандық жоғары білім беру көшбасшыларының бірі.

2018 жылы университет Қазақстанның ТОР-100 үздік университеттері қатарына еніп, 4-орынды иеленді.

Біздің университетіміздің тарихы ұлы бабалардың жетістіктерін ғана емес, сонымен қатар білім мен ғылым саласындағы ғасырлық өзіндік қызмет тәжірибесін де қамтиды.

Ақтөбе өңірлік мемлекеттік университеті гуманитарлық және техникалық ғылымдарды, ұлттық дәстүрлерді құрметтеуді, қоғамға қызмет ету ісіне адалдықты және өзін-өзі жетілдіруге ұмтылысты ұштастыратын классикалық жоғары оқу орны ретінде дамуда.

ЖОО-ның басты мақсаты – елімізде және өңірде инновациялық өзгерістерді жүзеге асыратын адами капитал қалыптастыру.

Көп жылдық және жемісті қарым-қатынастар университетті қазақстандық жетекші кәсіпорындармен және корпорациялармен байланыстырады, академиялық ұтқырлық бағдарламасы және бірлескен гранттар жүйесі, студенттерге арналған стипендиялық бағдарлама жұмыс істейді.

Біз өзімізді халықаралық аренада мықты және сенімді серіктес ретінде көрсете алдық. Бүгінде біздің ЖОО алдында халықаралық білім беру, ғылыми және ақпараттық ортаның органикалық және белсенді бөлігі болу міндеті тұр.

Ірі өнеркәсіптік орталықтың зияткерлік өзегі бола отырып, Ақтөбе өңірлік мемлекеттік университеті білім беру, ғылыми және инновациялық қызметті экономика мен әлеуметтік саланың нақты секторының қажеттіліктерімен барынша интеграциялаудың бірегей мүмкіндігіне ие. Білім, ғылым және тәжірибенің тығыз байланысы университеттің де, оның түлектерінің де күші мен артықшылығы болды және болып қала бермек.

Ізгі ниетпен, Бауыржан Аманкелдіұлы Ердембеков,
Қ.Жұбанов атындағы Ақтөбе өңірлік мемлекеттік
университетінің ректоры,
филология ғылымдарының докторы, профессор